iALA studente praat self
Wel, ek swot nou chemiese ingeneurswese hierdie jaar (2de jaar) en 'n groot deel van die kursus is waar hulle (alklaar so vroeg in die jaar!) jou wil gewoond maak daaraan om in 'n groep te kan funksioneer. Hulle doen dit juis want wanneer jy werk, werk jy amper nooit alleen nie, maar in groeps verband. Wanneer jy probleme oplos kry 'n mens gewoonlik die beste idee as jy 'n klomp mense se idees by mekaar sit (2 heads are better than one!). Ons groep moes ook al 'n voorlegging gedoen het oor 'n "design project" wat ons gedoen het en dit het baie goed gegaan (dankie Toastmasters!).
Ek het al agtergekom dat om so in groepe saam met vreemde (en baie anderse) mense te werk is nie 'n probleem vir my nie. Ek persoonlik dink dis oor my ervaring by iALA. Ek het geleer hoe om met verskillende mense ooreen te kom en hoe om probleme op te los sonder om konlfik te veroorsaak. As daar wel konflik is voel ek ek sal dit met gemak kan hanteer. Ek voel ook asof ek meer gemotiveer is met my studies, omdat ek laas jaar soveel verskillende dinge gedoen het en by so baie verskillende plekke was is dit nou half lekker en 'n ander uitdaging om weer aan die swot te kom. Fiksheid is ook nou 'n groter deel van my daaglikse roetine, ek voel dit bring balans in my lewe. Dit is ook nogal lekker om vir mense te vertel van alles wat ek laas jaar gedoen het en dan hul uitdrukkings te sien soos "kan mens rerig dit als in een jaar doen??". My vriende wat ek by iALA gemaak het is vir my baie spesiaal en al is ons wyd verspreid oor die land bly ons gereeld in kontak en ondersteun mekaar in ons uitdagings die jaar. Dankie vir die ongelooflike geleentheid Oom! Soos wat ek al vir Oom gese het, iALA gee jou die geleenthede, maar dis jou keuse wat jy daarvan maak en ek voel ek het ongelooflik baie daaruit gekry. Ek sal iALA 2009 vir niks verruil nie! *Claudia du Plooy, iALA 2009 
Ons as ouers besef dat Tiaan se jaar by iALA die beste geskenk was wat ons ooit vir hom kon gee, alhoewel dit soms broekskeur gegaan het, het ons geen spyt. Hiermee wil ek julle weereens bedank vir die geduld en hulp, woorde kan ons waardering nie beskryf nie.
Magda Loubser, Ma van Tiaan iALA 2010 | 
Vandag se kinders het ALMAL 'n iALA dringend nodig. Wens net hulle en hulle ouers wou dit besef!
*Hugo Moller, Upington, pa van Marizel Moller, iALA 2009 
Dinine het beslis baat gevind deur die kursus in meer as een gebied van haar lewe.
Eerstens op geestelike vlak. Ons maak ons kinders groot met die siening dat niks meer belangrik as God is en om Hom te gehoorsaam is die doel van ons bestaan. By iALA het sy in ‘n beskermde omgewing ook mense met ander siennings leer ken en hanteer. Tweede, het sy die blootstelling aan verskeie beroeps rigtings gehad om beter keuses te maak oor haar toekoms. Derde, het sy vriendskappe gesmee en mense kennis opgedoen wat baie kosbaar is. Dinine is huidiglik besig met FAGASA 1 by Bushveld Academy in Nylstroom en daar is n moontlikheid dat sy haar prakties op 'n wildsplaas kan doen waar hulle toeriste uit neem om vis te vang. Tans het hul geen personeel met n “ SKIPPERS” lisensie nie en die ondervinding wat Dinine by iALA opgedoen het kan vir haar 'n pos verseker. Nogmaals baie dankie en baie seen en voorspoed bid ons vir julle vir die nuwe jaar se avontuur. Groete, Theuns en Soekie Janse van Rensburg, ouers van Dinine, iALA 2009 |
