Februarie 2011 (2 van 2)

See, Strand en Strome

Vir meeste is die SSS kursus ‘n eerste.   Om met ‘n stroom diep see-in gevoer te word en dan weer strandtoe gebring word, om met ‘n  deining saam op die rotste neergesit te word, is ‘n belewenis.    Die bietjie bloed wat hier en daar op die rotse gelaat word, word gou vergeet danksy die goeie werk van dr S Piritus.   Die hoogte is stelselmatig van die ou hawe, Tamatiebankie tot by Ladies Bench opgebou, totdat ‘n hele klomp die hoogtepunt by Dreunkrans beleef het.    Dit is baie bevredigend om die oorwinning in die oë en die krete/gille wanneer elkeen hul eie hoogte oorwin, te sien.    Hierdie kursus bring baie meer selfvertroue en respek vir die see vir almal.

van Mossels na iALAs...

Al die groen Mossel-individue wat 31/1 begin het, iihet as volwaardige iALAs, die gemeenskaplike waardes en simbole aanvaar en hulle vir die res van hierdie jaar tot die “iALA familie” verbind.    Hierdie familie groei elke jaar met ‘n gemeenskaplikheid wat mense deur waardes, ervaring, lojaliteit en trots, vrywilliglik aanmekaar bind.

Inskrywings 2012

Aansoeke is nou oop vir 2012.  Kontak ons vir meer besonderhede by info@iala.co.za

Wat lê nog voor...

Met die inlywing en groepsvorming goed gevestig, wag daar nog groot dinge vir die res van hierdie kwartaal.

• Uitstaande is die snorkel en kajakroei en die entrepreneurskursus wat afskop met prakties waar leiding gegee word aan ‘n groot skoolgroep tydens ‘n kamp van Impact Adventures langs die Breederivier.  
  
• Daarna volg ‘n week van nuwe ervaringe waar ondersteuning verleenword met die Cape Outback vanaf Stilbaai tot by Beloftebos.    
  
• Die Noodhulpkursus tot op Vlak III sal help vir veiligheid vir die res van die jaar, en
  
• die aflê van loopbaanvoorligting by die Universiteit van Stellenbosch en by prof Bodley van der Westhuisen sal almal help om solank aan hul studierigtings of loopbaankeuses vanaf 2012 te begin dink.    Ouers en voogde is welkom om die individuele onderhoude na afloop van die aanlegstoetse saam by te woon.    
  
• Dan praat ons nie eers van die eerste half-maraton op 2 April by Kleinmond wat almal onderneem het om klaar te maak – ouers natuurlik ook welkom!!!

Weer eens kyk ons terug op ‘n jaarafskop waar die genade, seën en beskerming van Bo ons gedra het.