April 2011 (1 Intro)

Eerste kwartaal verby

Met die eerste kwartaal agter die rug, is dit seker hoogtyd om bestek van alles te neem. Van ons roeikursus wat `n onverwagse walvis besoek ingesluit het, na die snorkel waar ons allikreukel vir middagete uitgeduik het. 
Ons het vir 'n paar van die studente gevra om hulle ervaring van die aktiwiteite weer te gee eerder as wat ons vir julle vertel.  Luister na hulle op die volgende bladsy, en geniet die fotos!

Wat het ons hierdie kwartaal gedoen?

1. See, Strand en Strome 
   
2. Kayakroei - see en rivier
   
3. Snorkelduik
   
4. Entrepreneurskap
   
5. 7 Habits
   
6. Loopbaanvoorligting
   
7. DISC persoonlikheidsontleding
   
8. Impact Adventures
   
9. Cape Outback
   
10. Oornag staptog
    
11. 75km Kus staptog & 75km VASBYT
    
12. Noodhulp vlak I,II, III
    
13. Ouer aktiwiteits naweek
14. Ocean Challenge
    
15. CANSA Walk for Life & Shave-athon

Tweede kwartaal
Studente sien uit na:

1. SAD 21.1km halfmarathon
   
2. Bergfietsry in Jonkershoek
   
3. Toastmasters Speachcraft
   
4. NAUI Scuba duiker kursus
   
5. Toer deur die Noord Kaap
   
6. Jag en Vleiswerk in die Vrystaat
   

Gaan na Studente ervarings

Gaan na April fotos

Paradewerk

Paradewerk sorg deurgaans vir goeie dissipline, noodsaaklik in die see.  Die weeklikse  vlagparade het ons gemeenskaplike gebed deel van die mondering gemaak.  

iALA GEBED

Almagtige Vader in die hemel
Ons aanbid U, ons verheerlik U
In die Naam van U Seun Jesus Christus

Ons prys U deur U Heilige Gees
Ons dank U vir die grootheid van U Skepping
Dat ons dit mag bewoon, bewonder en geniet

Die aarde, die son, die maan en die sterre
Die see, die berge en die vlaktes
Dat ons dit sal respekteer en sal bewaar

Ons bewonder U vir die lewe wat U geskep het
Vir mense, diere, visse, voëls en alle ander spesies
Vir bome, blomme, plante en struike
Dat ons U grootheid daarin sal sien

Ons is dankbaar dat U ons seën met
gesondheid, lewenslus en lewensvreugde
Ons bid vir U beskerming oor ons en ons geliefdes
Dat ons U altyd sal loof deur in nederigheid en opregtheid
Ons medemens te dien en sal weet
dat ons almal in die palm van U hand lewe en
dat ons niks van al die seëninge waarmee U ons elke dag seën verdien nie.

Almagtig Vader ons bid dat U ons Sal lei om U te ken, 
Deur U Seun Jesus Christus en
Deur die werking van U Heilige Gees

O Heer, ons bely ons talryke sondes
En die baie kere waar ons U terleurstel.
Ons vra nederig dat U ons dit asseblief sal vergewe.
Ons bid dit alles in die Naam van  U Seun Jesus Christus
Amen.